یوسف رضا گیلانی کا دورہ کمبوڈیا، عالمی مسائل کے حل کیلئے پارلیمانی کردار پر زور

چیئرمین سینیٹ سید یوسف رضا گیلانی نے دوسری بین الپارلیمانی سپیکرز کانفرنس کے افتتاحی اجلاس سے خطاب کیا، جس میں کمبوڈیا کے وزیراعظم اور صدر سینیٹ کمبوڈیا نے بھی شرکت کی۔ اپنے خطاب میں چیئرمین سینیٹ نے کانفرنس کی بہترین میزبانی پر کمبوڈیا کی سینیٹ اور عوام کو خراجِ تحسین پیش کیا۔ سید یوسف رضا گیلانی نے عالمی مسائل کے حل کے لیے پارلیمانی سفارت کاری کی اہمیت پر زور دیتے ہوئے کہا کہ اسے محض وعدوں سے آگے بڑھا کر عملی اقدامات اور نتائج میں تبدیل کرنا ہوگا۔ انہوں نے ابھرتے ہوئے عالمی بحرانوں پر فوری ردِعمل کے لیے مؤثر طریقہ کار وضع کرنے اور امن و استحکام کی بنیاد کے طور پر بین الاقوامی قوانین کی پاسداری کو مضبوط بنانے کی ضرورت پر روشنی ڈالی۔ کانفرنس کے موقع پر چیئرمین سینیٹ نے دیگر وفود کے ہمراہ صدر سینیٹ کمبوڈیا سے خیر سگالی ملاقات بھی کی