بھارت پاکستان میں دہشت گردی کیلئے طالبان کی مدد کر رہا ہے: جواد اجمل

تحدہ میں پاکستان کے مستقل مشن کے قونصلر محمد جواد اجمل نے اقوامِ متحدہ میں بھارتی نمائندے کے الزامات اور ریمارکس کا جواب دیتے ہوئے انکشاف کیا ہے کہ بھارت انسانی ہمدردی کی امداد کی آڑ میں افغان طالبان حکومت کو پاکستان کے خلاف دہشت گردانہ کارروائیوں کے لیے مادی، مالی اور لاجسٹک معاونت فراہم کر رہا ہے। نیویارک میں اقوامِ متحدہ کے اجلاس کے دوران “حقِ جواب” (Right of Reply) کا استعمال کرتے ہوئے پاکستانی مندوب نے واضح کیا کہ طالبان رژیم کے ساتھ بھارت کی بڑھتی ہوئی قربت کا مقصد پاکستان کے خلاف محاذ آرائی کو تقویت دینا ہے۔

جواد اجمل نے زور دے کر کہا کہ بھارت افغانستان میں قائم اپنی پراکسیز کی فعال سرپرستی کے ذریعے ‘فتنہ الخوارج’ (ٹی ٹی پی) اور ‘فتنہ الہندوستان’ (بی ایل اے) جیسے کالعدم دہشت گرد گروہوں کو مالی و عسکری مدد فراہم کر رہا ہے۔ انہوں نے مزید کہا کہ کینیڈا اور امریکہ جیسے ممالک میں ماورائے عدالت و ماورائے علاقائی قتل اور ٹارگٹ کلنگز میں بھارت کا مکروہ کردار اب پوری دنیا کے سامنے بے نقاب ہو چکا ہے۔ انہوں نے عزم ظاہر کیا کہ پاکستان اپنی قومی خودمختاری، علاقائی سالمیت اور شہریوں کے تحفظ کے لیے تمام ضروری اقدامات اٹھاتا رہے گا