8 اکتوبر 2005 کے زلزلہ متاثرین کا دکھ آج بھی محسوس ہوتا ہے: مریم نواز

وزیراعلیٰ پنجاب مریم نواز شریف نے 8 اکتوبر 2005ء کے تباہ کن زلزلے کی 21ویں برسی یعنی “قومی یومِ استقامت” کے موقع پر زلزلہ متاثرین سے کامل یکجہتی کا اظہار کرتے ہوئے جاں بحق افراد کو خراجِ عقیدت پیش کیا ہے۔ اپنے ایک خصوصی پیغام میں انہوں نے کہا کہ اس قیامت خیز سانحے اور غیر معمولی زلزلے میں پیاروں کو کھونے والوں کا دکھ آج بھی پورا ملک برابر محسوس کرتا ہے، جبکہ اس مشکل گھڑی میں قوم کا ایثار، اتحاد اور حوصلہ مندی ایک قابلِ فخر قومی اثاثہ ہے۔

وزیراعلیٰ نے ریلیف و ریسکیو آپریشنز میں پاک فوج، پاک بحریہ، پاک فضائیہ، ریسکیو 1122 اور پولیس کے کردار کو سراہتے ہوئے کہا کہ قدرتی آفات کے اثرات کو کم کرنے کے لیے تمام اداروں کا ہمہ وقت تیار رہنا لازمی ہے۔ انہوں نے زور دیا کہ موسمیاتی تبدیلیوں کے باعث درپیش سیلاب، زلزلوں اور سموگ جیسے چیلنجز سے نمٹنے کے لیے پائیدار پالیسی ناگزیر ہے۔ مریم نواز شریف نے بتایا کہ حکومت نے پنجاب ڈیزاسٹر مینجمنٹ اتھارٹی (PDMA) کو جدید تقاضوں سے ہم آہنگ کر دیا ہے تاکہ مستقبل میں انسانی جان و مال کا تحفظ ہر ممکن طور پر یقینی بنایا جا سکے۔