پاکستان سٹاک مارکیٹ میں کاروبار کے آغاز پر مثبت رجحان

پاکستان اسٹاک ایکسچینج (PSX) میں مسلسل بہتری اور تیزی کا رجحان برقرار ہے، جہاں کے ایس ای-100 انڈیکس (KSE-100 Index) کاروباری ہفتے کے چوتھے روز 500 سے زائد پوائنٹس کے اضافے کے ساتھ ایک بار پھر 1 لاکھ 69 ہزار پوائنٹس کی اہم نفسیاتی حد عبور کر گیا ہے۔ مارکیٹ کے آغاز سے ہی سرمایہ کاروں کی جانب سے مثبت خریداریاں دیکھنے میں آئیں جس کے باعث انڈیکس 1 لاکھ 69 ہزار 95 پوائنٹس کی سطح پر پہنچ گیا۔

اس سے قبل گزشتہ کاروباری روز کے اختتام پر 100 انڈیکس 120 پوائنٹس کے مجموعی اضافے کے ساتھ 1 لاکھ 68 ہزار 580 پوائنٹس کی سطح پر بند ہوا تھا۔ معاشی ماہرین اور اسٹاک مارکیٹ کے تجزیہ کاروں کے مطابق میکرو اکنامک اشاریوں میں استحکام اور ادارہ جاتی سرمایہ کاری کے باعث مارکیٹ میں مثبت اعتماد دیکھا جا رہا ہے۔