ایل این جی کی قیمتوں میں بڑی کمی، اوگرا نے نوٹیفکیشن جاری کردیا

اسلام آباد: ملک میں مائع قدرتی گیس (LNG) کی قیمتوں میں بڑی کمی کا اعلان کر دیا گیا ہے، جس کے بعد سوئی ناردرن اور سوئی سدرن دونوں گیس کمپنیوں کے سسٹم کے لیے نئے نرخ مقرر کر دیے گئے ہیں۔

سرکاری اعلامیے کے مطابق سوئی ناردرن گیس پائپ لائنز لمیٹڈ (SNGPL) کے سسٹم کے لیے ایل این جی کی قیمت میں 6.81 ڈالر فی ایم ایم بی ٹی یو (MMBTU) کی نمایاں کمی کی گئی ہے۔ اس کمی کے بعد سوئی ناردرن کے لیے نئی قیمت 19.03 ڈالر فی ایم ایم بی ٹی یو مقرر ہو گئی ہے، جبکہ اس سے قبل یہ قیمت 25.84 ڈالر فی ایم ایم بی ٹی یو تھی۔

دوسری جانب، سوئی سدرن گیس کمپنی (SSGC) کے سسٹم کے لیے بھی ایل این جی کی قیمت میں 6.95 ڈالر فی ایم ایم بی ٹی یو کی کمی کی گئی ہے۔ اس تخفیف کے بعد سوئی سدرن کے سسٹم کے لیے نئی قیمت 18.13 ڈالر فی ایم ایم بی ٹی یو ہو گئی ہے، جو اس سے پہلے 25.08 ڈالر فی ایم ایم بی ٹی یو کی سطح پر برقرار تھی۔