LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری سالک حسین کا مریم نواز کو قانونی جواب، 2 نوٹس بھی بھجوا دیے ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی 13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ

وزیرِ اعظم شہباز شریف کی ایف بی آر اصلاحات پر ہفتہ وار جائزہ اجلاس کی صدارت

Web Desk

28 August 2026

اسلام آباد: وزیرِ اعظم محمد شہباز شریف کی زیرِ صدارت فیڈرل بورڈ آف ریونیو (FBR) کی اصلاحات پر ہفتہ وار اعلیٰ سطح کا جائزہ اجلاس منعقد ہوا، جس میں ٹیکس نظام کی جدیدکاری، پی آر اے ایل (PRAL) کی تنظیمِ نو، ڈیجیٹل انوائسنگ اور اسمگلنگ کے سدِباب کے لیے اٹھائے گئے اقدامات کا تفصیلی جائزہ لیا گیا۔

اجلاس کی صدارت کرتے ہوئے وزیرِ اعظم نے ہدایت کی کہ ایف بی آر میں اصلاحات کے تمام تر اقدامات مقررہ مدت کے اندر ہر صورت مکمل کیے جائیں اور شفافیت و مؤثریت کے لیے اصلاحاتی عمل کا تھرڈ پارٹی آڈٹ یقینی بنایا جائے۔ انہوں نے کہا کہ ڈیجیٹلائزیشن، پیداوار کی خودکار نگرانی اور جدید ٹیکنالوجی ایف بی آر اصلاحات کے بنیادی ستون ہیں، جن کے ذریعے ٹیکس چوری، اسمگلنگ اور غیر قانونی کاروبار کے خلاف کارروائیاں مزید تیز کی جائیں گی۔

بریفنگ کے دوران بتایا گیا کہ ٹیکس نظام کو ڈیٹا پر مبنی بنانے کے لیے بین الاقوامی کنسلٹنٹس کی مدد سے IRIS 3.0 اور نیا آپریٹنگ ماڈل متعارف کرایا جا رہا ہے، جس میں مستقبل میں مصنوعی ذہانت (AI) اور مشین لرننگ کا استعمال شامل ہے۔ کسٹمز میں فیس لیس اسیسمنٹ کے باعث جنوری تا جون 2026ء کے دوران فی گڈز ڈیکلریشن اوسط ریونیو میں 12 فیصد اضافہ ہوا، جبکہ کسٹمز اسیسمنٹ کے لیے 280 نئے گڈز ایویلیویٹرز کی بھرتی آخری مراحل میں ہے۔ اسلام آباد میں سینٹرل اسیسمنٹ یونٹ کا عبوری قیام 31 دسمبر 2026ء اور مکمل مربوط کمپلیکس جون 2027ء تک فعال کیا جائے گا۔

اجلاس میں بتایا گیا کہ ڈیجیٹل انوائسنگ کے ذریعے ٹرانزیکشنز جولائی 2025 کے 236 ارب روپے سے بڑھ کر جولائی 2026 میں 2.5 ٹریلین روپے پر پہنچ چکی ہیں، جبکہ دسمبر 2026 تک 4 ٹریلین روپے کی ٹرانزیکشنز کا ہدف مقرر ہے۔ علاوہ ازیں، غیر قانونی پیٹرولیم مصنوعات کی روک تھام کے لیے جی آئی ایس ٹیگنگ اور GPS ٹریکنگ کے تحت راہ-گزر ایپ کے ذریعے 2,500 غیر قانونی پیٹرول پمپس کو بند کر کے ان کے خلاف قانونی کارروائی کی گئی ہے۔