افغان طالبان رجیم کیخلاف افغانستان فریڈم فرنٹ کا محاذ متحرک

افغانستان میں طالبان کے جابرانہ تسلط کے خلاف سیاسی و مسلح مزاحمتی تحریکوں کی کارروائیوں میں شدید اضافہ دیکھنے میں آ رہا ہے۔ مخالف مسلح گروپ ‘افغانستان فریڈم فرنٹ’ (AFF) نے اپنے رسمی ایکس (ٹویٹر) اکاؤنٹ کے ذریعے 23 جولائی سے 22 اگست کے دوران کی جانے والی 21 کارروائیوں کی تفصیلات جاری کی ہیں۔ رپورٹ کے مطابق صوبہ بدخشان حملوں کا مرکزی محور رہا، جبکہ بغلان، ننگرہار، فاریاب، نورستان اور پنجشیر سمیت کابل اور کندوز کے ملٹری ایئرپورٹس کو بھی میزائلوں، راکٹوں اور گوریلا حملوں کا نشانہ بنایا گیا۔ ان حملوں میں طالبان کے قافلوں، چوکیوں، ڈرونز اور دفاعی تنصیبات کو شدید نقصان پہنچایا گیا، جبکہ متعدد طالبان اہلکار ہلاک و زخمی ہوئے اور کئی اہم دفاعی پوزیشنوں پر مزاحمت کاروں نے قبضہ کر لیا۔