نیپال اور تبت میں تباہ کن سیلاب، ہلاکتیں 390 ہوگئیں، ایک ہزار سے زائد افراد لاپتہ

نیپال اور تبت کے سرحد پر گلیشیئر ٹوٹنے کے بعد آنے والے تباہ کن سیلاب اور مٹی کے تودے گرنے سے ہلاک ہونے والوں کی تعداد 389 تک پہنچ گئی ہے، جبکہ 540 سے زائد غیر ملکیوں سمیت 1,000 سے زائد افراد اب بھی لاپتہ ہیں۔ حکام کے مطابق گلیشیئر کا بڑا حصہ منہدم ہونے سے چٹانوں، برف اور کیچڑ کا پرتشدد ریلہ دیہات، سڑکیں اور پل بہا لے گیا۔ نیپال اور چین نے متنبہ کیا ہے کہ ملبے کے باعث بننے والی عارضی جھیلوں میں پانی کی سطح مسلسل بلند ہو رہی ہے، جس سے یکم ستمبر کے قریب مزید شدید سیلابی ریلے کا خطرہ ہے۔ تبت کے سرحدی علاقے گیارونگ میں بھی شدید تباہی ہوئی ہے جہاں 558 افراد لاپتہ ہیں، جبکہ نیپال میں لاپتہ غیر ملکیوں میں 288 بھارتی، 63 امریکی اور 33 برطانوی شہریوں سمیت دیگر ممالک کے باشندے بھی شامل ہیں۔