یوکرینی حملے: روس کا اہم انفراسٹرکچر کی سکیورٹی سخت کرنے کا فیصلہ

یوکرینی حملوں کے پیشِ نظر روس میں توانائی، ایندھن، مواصلات اور ٹرانسپورٹ کے شعبوں سمیت اہم انفراسٹرکچر کی سیکیورٹی کو مزید سخت کرنے کا فیصلہ کر لیا گیا ہے۔ روسی صدر ولادیمیر پیوٹن کے نئے حکم نامے کے مطابق سیکیورٹی یقینی بنانے میں ناکام رہنے یا ڈرون حملوں کے بعد سرگرمیاں بروقت بحال نہ کرنے والی کمپنیوں کے خلاف سخت کارروائی کی جائے گی اور حکومت ایسی نجی کمپنیوں میں عارضی انتظامیہ مقرر کر کے ان کے حقوق، جائیداد اور حصص کا کنٹرول خود سنبھال سکے گی۔ کریملن کا کہنا ہے کہ یہ قدم اس لیے اٹھایا گیا ہے کیونکہ بعض کمپنی مالکان یوکرینی حملوں سے نمٹنے اور سیکیورٹی اقدامات مکمل کرنے میں مناسب سنجیدگی کا مظاہرہ نہیں کر رہے تھے۔