کشیدگی میں کمی کی کوششیں: قطری وزیراعظم آج ایران کا دورہ کریں گے

قطر کے وزیراعظم اور وزیر خارجہ شیخ محمد بن عبدالرحمان آل ثانی آج ایران کا اہم دورہ کریں گے، جس کا مقصد خطے میں جاری کشیدگی کو کم کرنے کے لیے سفارتی کوششوں کو مزید تیز کرنا ہے۔ قطری وزارتِ خارجہ کے مطابق اس دورے کے دوران قطری وزیراعظم کی ایرانی اعلیٰ حکام سے اہم ملاقاتیں متوقع ہیں جن میں آبنائے ہرمز میں جنگ سے پہلے کی صورتحال کی بحالی اور فریقین کے درمیان مذاکرات کی راہ ہموار کرنے پر تفصیلی تبادلہ خیال کیا جائے گا۔ قطر پہلے ہی امریکا اور ایران کے درمیان کشیدگی کم کرنے اور مذاکرات کی بحالی کے لیے ثالثی کا کلیدی کردار ادا کر رہا ہے۔