ایران کا امریکی توانائی مراکز کو نشانہ بنانے کا انتباہ

ایرانی پاسدارانِ انقلاب (IRGC) کے ترجمان برگیڈیئر جنرل حسین محبی نے امریکہ کو سخت انتباہ جاری کرتے ہوئے کہا ہے کہ اگر ایران یا اس کے انفراسٹرکچر پر حملہ کیا گیا تو امریکہ کو سنگین نتائج کا سامنا کرنا پڑے گا۔ انہوں نے واضح کیا کہ کسی بھی حملے کی صورت میں امریکہ کے حیاتی مفادات اور توانائی مراکز (چوک پوائنٹس) کو شدید راہبردی ضربات سے نشانہ بنایا جائے گا۔ ترجمان کا مزید کہنا تھا کہ دشمن کی یہ غلط فہمی ہے کہ ایران کے ہتھیار ختم ہو چکے ہیں، کیونکہ ایران میں جدید و سمارٹ گائیڈڈ میزائلوں کی پیداوار بدستور جاری ہے اور ملک کی دفاعی صلاحیتیں مکمل طور پر برقرار ہیں۔ انہوں نے مزید کہا کہ امریکہ کی جانب سے آبنائے ہرمز کو دوبارہ مکمل طور پر کھولنے کا مقصد اور دیگر فوجی اہداف ناکام ہو چکے ہیں۔