ایران جنگ مشرقِ وسطیٰ میں امریکی اڈوں کے مستقبل پر سوالیہ نشان ثابت ہوئی، برطانوی اخبار

برطانوی اخبار “فنانشل ٹائمز” نے ایک رپورٹ میں دعویٰ کیا ہے کہ ایران کے ساتھ جاری 6 ماہ کی جنگ نے مشرقِ وسطیٰ میں دہائیوں سے قائم امریکی عسکری اڈوں کے مستقبل پر سنگین سوالات اٹھا دیے ہیں۔ رپورٹ کے مطابق خلیجی ممالک میں پھیلے امریکی اڈے ایرانی ساحلوں سے قربت کی وجہ سے مختصر فاصلے تک مار کرنے والے میزائلوں اور ڈرونز کے سامنے انتہائی غیر محفوظ ثابت ہوئے، جس کے باعث امریکہ کو اپنے عسکری اثاثے اور اہلکار اسرائیل، اردن اور یورپ منتقل کرنے پڑے۔ اخبار کے مطابق اس صور تحال نے خلیجی ممالک کے ساتھ امریکہ کے پرانے “تیل کے بدلے سیکیورٹی” معاہدے کو متاثر کیا ہے اور بعض خلیجی ریاستیں اب امریکہ سے ہٹ کر دیگر عالمی طاقتوں کے ساتھ بھی اپنے روابط بڑھانے پر غور کر رہی ہیں