گنی میں لینڈ فل سائٹ پر مٹی کا تودہ گرنے سے 30 افراد ہلاک

گنی کے دارالحکومت کوناکری میں لینڈ فل سائٹ پر کچرے اور مٹی کا بڑا تودہ گرنے سے کم از کم 30 افراد ہلاک ہو گئے ہیں۔ حکومتی حکام کے مطابق رات بھر ہونے والی موسلا دھار بارش کے باعث کچرے کا بوجھل ڈھیر اچانک منہدم ہو گیا، جس نے قریبی خیموں اور کچی جھونپڑیوں کو اپنی لپیٹ میں لے لیا۔ حادثے کے نتیجے میں 6 افراد شدید جبکہ 16 دیگر معمولی زخمی ہوئے ہیں اور متاثرہ جگہ پر ہنگامی امدادی کارروائیاں جاری ہیں۔ عینی شاہدین کا کہنا ہے کہ سلائیڈنگ اتنی شدید تھی کہ اس کی زد میں آ کر ایک رہائشی عمارت بھی ملبے تلے دب گئی جبکہ قریبی آبادی کو بھی شدید نقصان پہنچا ہے۔