فیلڈ مارشل عاصم منیر کل تہران کا دورہ کریں گے: ایرانی وزارت خارجہ

ایرانی وزارتِ خارجہ کے ترجمان اسماعیل بقائی نے اعلان کیا ہے کہ آرمی چیف فیلڈ مارشل عاصم منیر پیر کو تہران کا اہم سرکاری دورہ کریں گے۔ ترجمان کے مطابق اس دورے کا بنیادی مقصد پاک-ایران دوطرفہ تعاون کو فروغ دینا اور خطے میں امن و سلامتی کے لیے پاکستان کی تعمیری کوششوں کے سلسلہ کو آگے بڑھانا ہے۔ اس سے قبل دونوں ممالک کے درمیان رابطوں کے سلسلے میں فیلڈ مارشل عاصم منیر اور ایرانی وزیرِ خارجہ عباس عراقچی کے درمیان ٹیلی فونک رابطہ بھی ہوا تھا، جس میں علاقائی صورتِ حال پر تبادلہ خیال کیا گیا۔ دوسری جانب ایرانی صدر مسعود پزشکیان نے اپنے ایک خطاب میں واضح کیا ہے کہ ایران اس وقت مکمل معاشی، عسکری اور سیکیورٹی جنگ کا سامنا کر رہا ہے اور امریکی پابندیوں کے باوجود مضبوط اتحاد اور مزاحمت کے ساتھ ڈٹا ہوا ہے