ایران مزاحمت اور استقامت کے باعث دنیا کو حیران کرنے والی طاقت بن کر ابھرا: پزشکیان

ایران کے صدر مسعود پزشکیان نے قوم سے اپنے ٹیلی ویژن خطاب میں کہا ہے کہ ایران اس وقت مکمل پیمانے کی معاشی، عسکری اور سیکیورٹی جنگ کا سامنا کر رہا ہے۔ انہوں نے کہا کہ دشمنوں نے ایران کو دوسرا وینزویلا بنانے اور اندرونی تقسیم پیدا کرنے کی کوشش کی، تاہم ایرانی قوم نے یکجہتی اور مزاحمت کے ذریعے دنیا کو حیران کر دیا۔ معاشی صورتحال کا ذکر کرتے ہوئے ایرانی صدر نے اعتراف کیا کہ حکومت ملک میں درپیش معاشی مسائل پر شرمندہ ہے اور امریکی صدر ٹرمپ کی جانب سے انتہائی سخت پابندیوں کے اعلان کے باوجود تہران اس غیر مساوی جنگ کے سامنے ڈٹا ہوا ہے۔ انہوں نے اندرونی تنازعات اور انا پرستی سے بچ کر عوامی خدمت جاری رکھنے کا عزم ظاہر کیا۔