چین کے بغیر امریکا کیلئے ایران کو معاشی طور پر تنہا کرنا ممکن نہیں: نیویارک ٹائمز

امریکی اخبار ‘نیویارک ٹائمز’ نے اپنے حالیہ تجزیے میں انکشاف کیا ہے کہ ایران کو معاشی طور پر الگ تھلگ کرنے کی امریکی کوششیں چین کے تعاون کے بغیر کامیاب نہیں ہو سکتیں۔ رپورٹ کے مطابق چین ایران کا سب سے بڑا تجارتی partner ہے اور ایرانی تیل کی برآمدات کا تقریباً 90 فیصد حصہ چین کی چھوٹی نجی ریفائنریز (ٹی پاٹس) خریدتی ہیں، جو عالمی مالیاتی نظام سے کم منسلک ہونے کے باعث امریکی پابندیوں سے محفوظ رہتی ہیں۔ تجزیے میں مزید کہا گیا ہے کہ واشنگٹن کی جانب سے شدید معاشی دباؤ کے باوجود بیجنگ اور تہران کے مضبوط تجارتی روابط ایران کو مالی سہارا فراہم کر رہے ہیں۔ اس کے علاوہ چین کے پاس جواباً اہم معدنیات کی برآمدات روک کر امریکی ٹیکنالوجی و دفاعی صنعت کو متاثر کرنے کے ذرائع بھی موجود ہیں، جو امریکہ کے لیے معاشی اور سٹریٹجک محاذ پر مشکلات کا سبب بن رہے ہیں۔