بھارت کے قریب مال بردار بحری جہاز ڈوب گیا، 24 افراد لاپتا

بھارت کے مشرقی ساحل کے قریب پاناما کا پرچم بردار مال بردار بحری جہاز “اوشن ونر” سمندر میں ڈوب گیا ہے، جس پر سوار 24 رکنی عملے میں 20 چینی، 3 میانمار اور ایک بنگلہ دیشی شہری شامل ہے۔ بھارتی کوسٹ گارڈز کے مطابق یہ تجارتی جہاز بھارت کی پارادیپ بندرگاہ سے لوہے کی کچ دھات لے کر سنگاپور جا رہا تھا کہ بندرگاہ سے تقریباً 240 ناٹیکل میل دور حادثے کا شکار ہو گیا۔ واقعے کی اطلاع ملتے ہی سری وجے پورم (پورٹ بلیئر) سے ریسکیو جہازوں کو روانہ کیا گیا اور ٹیموں نے لائف رافٹس سے 2 افراد کو بحفاظت نکال لیا ہے، جبکہ باقی لاپتا افراد کی تلاش کے لیے سرچ اینڈ ریسکیو آپریشن کا دائرہ وسیع کر دیا گیا ہے۔ فی الوقت جہاز کے ڈوبنے کی حتمی وجہ معلوم نہیں ہو سکی ہے۔