مغرب یوکرینیوں کی لاشیں استعمال کرکے روس کے خلاف جنگ لڑ رہا ہے: سرگئی لاوروف

روسی وزیر خارجہ سرگئی لاوروف نے مغربی ممالک پر شدید تنقید کرتے ہوئے الزام عائد کیا ہے کہ وہ روس کے خلاف جاری محاذ آرائی میں یوکرینی عوام کے جسموں اور لاشوں کو استعمال کر رہے ہیں۔ ایک انٹرویو کے دوران انہوں نے کہا کہ مغرب کیف حکومت کو جدید ترین ہتھیار اور عسکری ٹیکنالوجی فراہم کرنے میں مصروف ہے تاکہ اسے روس کے خلاف بطور ذریعہ استعمال کیا جا سکے۔ سرگئی لاوروف نے یوکرینی حکومت کو عوام مخالف قرار دیتے ہوئے کہا کہ اس تمام تر جنگ کی بھاری قیمت یوکرین کے عام لوگ اپنی جانیں دے کر ادا کر رہے ہیں جبکہ مغربی طاقتیں اپنے مقاصد کے لیے جنگ کو طول دے رہی ہیں۔