پاکستان سٹاک مارکیٹ میں کاروبار کا مثبت زون میں آغاز

کراچی: پاکستان سٹاک ایکسچینج (PSX) میں مثبت معاشی اشاریوں اور سرمایہ کاروں کے اعتماد کے باعث تیزی کا تسلسل برقرار ہے، جہاں ہفتے کے آخری کاروباری روز کے شروعات میں ہی ہنڈرڈ انڈیکس میں نمایاں اضافہ ریکارڈ کیا گیا۔

کاروباری ہفتے کے پانچویں اور آخری روز مارکیٹ کے آغاز سے ہی خریدو فروخت کا مثبت رجحان دیکھا گیا۔ ٹریڈنگ کے دوران KSE-100 انڈیکس میں 900 سے زائد پوائنٹس کا زبردست اضافہ ہوا، جس کے بعد انڈیکس 1 لاکھ 77 ہزار 528 پوائنٹس کی نئی بلند ترین سطح پر پہنچ گیا۔

واضح رہے کہ گزشتہ کاروباری دن کے اختتام پر پاکستان سٹاک مارکیٹ کا ہنڈرڈ انڈیکس 1 لاکھ 76 ہزار 591 پوائنٹس کی سطح پر بند ہوا تھا۔ معاشی ماہرین کے مطابق غیر ملکی سرمایہ کاروں کی دلچسپی، استحکامِ نو اور مختلف تجارتی شعبوں میں منافع بخش خریدو فروخت کے باعث سٹاک مارکیٹ میں تیزی کا یہ سلسلہ مسلسل جاری ہے۔