باقر قالیباف کی عراقی وزیراعظم سے ملاقات، دوطرفہ تعاون بڑھانے پر اتفاق

ایرانی پارلیمنٹ کے سپیکر محمد باقر قالیباف نے عراق کے دارالحکومت بغداد میں عراقی وزیراعظم علی فالح الزیدی سے اہم ملاقات کی، جس میں ایران اور عراق کے درمیان دوطرفہ تعلقات، سیکیورٹی اور مختلف شعبوں میں اقتصادی تعاون کے فروغ پر تفصیلی تبادلہ خیال کیا گیا۔

خبر ایجنسی کے مطابق باقر قالیباف اعلیٰ سطح کے پارلیمانی وفد کے ہمراہ 3 روزہ سرکاری دورے پر بغداد پہنچے ہیں۔ ملاقات کے دوران عراقی وزیراعظم علی فالح الزیدی نے دونوں ممالک کے درمیان تاریخی، جغرافیائی اور مذہبی روابط کو اجاگر کرتے ہوئے داعش کے خلاف جنگ کے دوران ایران کی جانب سے فراہم کی جانے والی معاونت اور تعاون کو سراہا۔

ایرانی اسپیکر محمد باقر قالیباف نے دونوں ممالک کے تعلقات کو ناگزیر قرار دیتے ہوئے نئے شعبوں میں شراکت داری کے فروغ پر زور دیا اور اربعین کے موقع پر ایرانی زائرین کے لیے بہترین انتظامات پر عراقی حکومت کا شکریہ ادا کیا۔ ایرانی حکام کے مطابق اس دورے کا بنیادی مقصد خطے کی تیزی سے بدلتی صورتحال میں بغداد کے ساتھ سیاسی، معاشی اور دفاعی روابط کو مزید مضبوط بنانا ہے۔