حکومت کا ڈیزل کی قیمت میں بڑا ریلیف، پٹرول مزید مہنگا کر دیا

حکومت پاکستان نے پٹرولیم مصنوعات کی قیمتوں میں تازہ ردوبدل کا نوٹیفکیشن جاری کر دیا ہے۔ پٹرولیم ڈویژن کے مطابق ڈیزل کی قیمت میں بڑی کمی جبکہ پٹرول کی قیمت میں جزوی اضافہ کیا گیا ہے۔

نوٹیفکیشن کے مطابق ڈیزل کی قیمت میں 32 روپے 63 پیسے فی لٹر کی نمایاں کمی کی گئی ہے، جس کے بعد ڈیزل کی نئی قیمت 363 روپے 06 پیسے فی لٹر مقرر ہو گئی ہے۔ دوسری جانب پٹرول کی قیمت میں 2 روپے 97 پیسے فی لٹر اضافہ کر دیا گیا ہے، جس سے پٹرول کی نئی قیمت 337 روپے 51 پیسے فی لٹر تک پہنچ گئی ہے۔

ان نئی قیمتوں کا اطلاق 20 اگست تک ایک دن کے لیے ہوگا۔ پٹرول کی قیمت میں مسلسل اضافے کے باعث عوامی حلقوں کی جانب سے تشویش کا اظہار کیا جا رہا ہے، کیونکہ اس سے اشیائے ضروریہ اور ٹرانسپورٹ کے کرایوں پر اضافی مالی بوجھ بڑھنے کا خدشہ ہے۔