پاک بحریہ کی کمانڈ اینڈ سٹاف کانفرنس، بحری سلامتی کی صورتحال کا جائزہ

: پاک بحریہ کے سربراہ ایڈمرل نوید اشرف کی زیر صدارت نیول ہیڈ کوارٹرز میں کمانڈ اینڈ اسٹاف کانفرنس منعقد ہوئی۔ کانفرنس کے دوران بحری شعبے کو درپیش روایتی اور غیر روایتی سیکورٹی خطرات سمیت سٹریٹجک چوک پوائنٹس پر مجموعی سیکورٹی صورتحال کا تفصیلی جائزہ لیا گیا۔

ایڈمرل نوید اشرف نے پاک بحریہ کی ہمہ وقت جنگی تیاریوں کا تسلسل برقرار رکھنے کی اہمیت پر زور دیا اور کہا کہ جدید ترین بحری چیلنجز کا مقابلہ کرنے کے لیے جدید ترین ہتھیاروں اور ٹیکنالوجی کا حصول ناگزیر ہے۔ کانفرنس میں خطے کے امن و استحکام اور بحری سلامتی کے فروغ میں پاک بحریہ کے کلیدی کردار پر بھی روشنی ڈالی گئی۔

اجلاس میں نیول چیف کو پاک بحریہ کے جاری اور مستقبل کے ترقیاتی منصوبوں پر تفصیلی بریفنگ دی گئی، جس پر انہوں نے ملکی بحری سرحدوں کے دفاع کے لیے پاک بحریہ کی آپریشنل تیاریوں پر کامل اطمینان کا اظہار کیا۔