امریکا اور اسرائیل کے حملوں میں ایران کے 100 طیارے تباہ ہوئے: فرزانے صادق

ایران کی وزیر برائے سڑک و شہری ترقی (مواصلات و ٹرانسپورٹیشن) فرزانہ صادق نے تہران میں ایک اہم پریس کانفرنس سے خطاب کرتے ہوئے انکشاف کیا ہے کہ امریکا اور اسرائیل کی جانب سے کی جانے والی بمباری کے نتیجے میں ایران کے 100 سے زائد کمرشل طیارے تباہ اور شدید متاثر ہوئے ہیں۔ انہوں نے بتایا کہ دشمن نے نہ صرف ہوائی اڈوں کو نشانہ بنایا بلکہ بجلی، پانی اور دیگر بنیادی انفراسٹرکچر کو بھی شدید نقصان پہنچایا ہے۔ فرزانہ صادق کا کہنا تھا کہ امریکا نے ایران کے 25 صوبوں کے 400 شہروں پر بمباری کی جس سے 1 لاکھ کمرشل اور رہائشی یونٹس متاثر ہوئے ہیں۔ تاہم، تمام تر مشکلات کے باوجود ایران نے صرف 8 طیاروں کی مدد سے حج پروازوں کا آپریشن کامیابی سے مکمل کیا اور جنگ کے دوران بھی ریل، روڈ اور بندرگاہوں کے ذریعے ٹرانسپورٹ کا سلسلہ منقطع نہیں ہونے دیا۔ حکومت کی پہلی ترجیح تباہ شدہ مواصلاتی و ٹرانسپورٹ انفراسٹرکچر کی جلد از جلد بحالی ہے۔