امریکی خاندان ٹرمپ حکومت کی ناقص پالیسیوں کی قیمت ادا کر رہے ہیں: علی اکبر ولایتی

ایرانی سپریم لیڈر کے سینئر مشیر علی اکبر ولایتی نے اپنے بیان میں کہا ہے کہ امریکی خاندان ٹرمپ حکومت کی ناقص اور ناکام پالیسیوں کی بھاری قیمت ادا کر رہے ہیں۔ ان کا کہنا تھا کہ خطے کی موجودہ صورتِ حال اور طاقت کا توازن اب بنیادی طور پر تبدیل ہو چکا ہے۔ انہوں نے ٹرمپ انتظامیہ پر تنقید کرتے ہوئے کہا کہ امریکی وزیرِ خزانہ ایران کے خلاف معاشی پابندیوں کی بات کرتے ہیں جبکہ ڈونلڈ ٹرمپ بحری ناکہ بندی پر فخر جتاتے ہیں، لیکن حقیقت یہ ہے کہ امریکی سینیٹر جان کورنن خود امریکی عوام پر بڑھتی ہوئی مہنگائی اور روزمرہ اخراجات میں اضافے پر شدید تشویش کا اظہار کر رہے ہیں۔