ویٹیکن کے روحانی پیشوا پوپ نے مقبوضہ مغربی کنارے میں فلسطینی شہریوں کے خلاف بڑھتے ہوئے تشدد اور اسرائیلی آباد کاروں کے حملوں پر گہری تشویش کا اظہار کرتے ہوئے عالمی برادری سے دو ریاستی حل کے لیے فوری اقدامات کا مطالبہ کیا ہے۔ کاسٹل گاندولفو میں عبادت کے بعد گفتگو کرتے ہوئے انہوں نے فلسطینیوں پر تشدد کے فوری خاتمے پر زور دیا، خاص طور پر ایسے وقت میں جب انسانی حقوق کی تنظیموں کے مطابق مغربی کنارے کے گاؤں قصرا کا محاصرہ کر کے پانی اور بجلی کی فراہمی منقطع کی جا چکی ہے۔ ویٹیکن جو کہ طویل عرصے سے فلسطینی ریاست کے قیام کی حمایت کرتا آیا ہے، نے واضح کیا کہ منظم آبادکاری مستقبل کی فلسطینی ریاست کے امکانات کو محدود کر رہی ہے، جبکہ دوسری جانب اسرائیلی حکومت یہودی بستیوں کی توسعی پالیسی پر عمل پیرا ہے۔