وزیراعلیٰ خیبر پختونخوا کی بانی پی ٹی آئی سے 10ویں بار ملاقات کی کوشش، ارکان اسمبلی کو اڈیالہ پہنچنے کی ہدایت

وزیراعلیٰ خیبر پختونخوا سہیل آفریدی بانی چیئرمین سے ملاقات کی دسویں کوشش کے لیے اسلام آباد پہنچ گئے ہیں۔
معاونِ خصوصی برائے اطلاعات کے مطابق وزیراعلیٰ وزارتِ اعلیٰ سنبھالنے کے بعد اب تک 9 مرتبہ بانی پی ٹی آئی سے ملاقات کی کوشش کر چکے ہیں، تاہم ہر بار اجازت نہ مل سکی۔

ترجمان کے مطابق سہیل آفریدی جمعرات کو دسویں بار بانی چیئرمین سے اڈیالہ جیل میں ملاقات کی کوشش کریں گے۔ وزیراعلیٰ نے تمام حکومتی ارکانِ اسمبلی کو بھی جیل پہنچنے کی ہدایت جاری کر دی ہے۔

ذرائع کے مطابق خیبر پختونخوا حکومت مسلسل رابطے میں ہے اور ملاقات کے لیے باضابطہ اجازت کا دوبارہ مطالبہ کیا جا رہا ہے۔