ٹرمپ نے وائٹ ہاؤس کی ترجمان کیٹی زکریا کو پانچ روز بعد ہی عہدے سے ہٹا دیا

امریکی صدر ڈونلڈ ٹرمپ نے وائٹ ہاؤس کی نئی مقرر کردہ پریس سیکریٹری کیٹی زکریا (Kaitlan/Katie Zacharia) کو تعیناتی کے محض پانچ روز بعد ہی عہدے سے برطرف کر دیا ہے۔

امریکی ذرائع ابلاغ کے مطابق صدر ڈونلڈ ٹرمپ نے اس فیصلے کی تصدیق کرتے ہوئے کہا کہ میڈیا نے کیٹی زکریا کے ساتھ مناسب سلوک نہیں کیا، اس لیے وہ نہیں چاہتے کہ انہیں ذرائع ابلاغ کی جانب سے مزید دباؤ یا مشکلات کا سامنا کرنا پڑے۔ صدر ٹرمپ نے مزید کہا کہ وہ کیٹی زکریا کے لیے انتظامیہ میں کسی دوسرے نئے عہدے پر غور کر رہے ہیں اور اپنے غیر ملکی دورے سے وطن واپسی پر ان سے اس سلسلے میں بات چیت کی جائے گی۔

ذرائع کے مطابق کیٹی زکریا کی پہلی پریس بریفنگ کو شدید تنقید کا نشانہ بنایا گیا تھا، جبکہ بار (Bar) کا امتحان پاس کرنے میں ناکامی کے اعتراف کے بعد ان کی قانونی صلاحیت اور قابلیت سے متعلق بھی سوالات اٹھائے جا رہے تھے۔ یاد رہے کہ صدر ٹرمپ نے ابتدائی طور پر منگل کے روز ان کی پہلی پریس بریفنگ کی تعریف کی تھی، تاہم پیدا ہونے والے تنازعات کے بعد انہیں فوری طور پر عہدے سے ہٹانے کا فیصلہ کیا گیا۔