ایران اور عمان کا آبنائے ہرمز میں جہازرانی کے راستے کے نقشے پر اتفاق

ایران اور عمان نے آبنائے ہرمز میں بحری آمدورفت اور جہازرانی کے راستے سے متعلق ایک نئے نقشے پر اتفاق کر لیا ہے۔ ایرانی وزارت خارجہ کے ترجمان اسماعیل بقائی نے اس پیشرفت کی تصدیق کرتے ہوئے کہا کہ عمان کے ساتھ تکنیکی مذاکرات جاری ہیں اور فریقین مثبت پیشرفت کر رہے ہیں۔ ترجمان کا کہنا تھا کہ خطے میں عدم استحکام کا ذمہ دار ایران نہیں بلکہ امریکہ اور اسرائیل ہیں جنہوں نے علاقے کو ایران کے خلاف استعمال کیا۔ دوسری جانب ایرانی وزیر خارجہ عباس عراقچی نے واضح کیا کہ عمان کے ساتھ تکنیکی سطح کے مذاکرات اور آبنائے ہرمز کو کھولنا دو الگ معاملات ہیں۔ انہوں نے کہا کہ آبنائے ہرمز کھلنے کا تمام تر انحصار امریکہ پر ہے اور اسے مفاہمتی یادداشت میں طے شدہ شرائط پر عمل درآمد کرنا ہو گا۔