اسرائیل نے پورے مشرق وسطیٰ میں بدامنی پھیلا رکھی ہے: مسعود پزشکیان

ایرانی صدر مسعود پزشکیان نے شدید الفاظ میں مذمت کرتے ہوئے کہا ہے کہ اسرائیل نے عالمی سامراجی طاقتوں کی مکمل پشت پناہی اور حمایت کے ساتھ پورے مشرقِ وسطیٰ میں بدامنی اور تخریب کاری پھیلا رکھی ہے۔ انہوں نے ان خیالات کا اظہار کرتے ہوئے واضح کیا کہ صہیو نی ریاست خطے میں کشیدگی کو فروغ دے رہی ہے، تاہم ایرانی عوام اپنے اتحاد اور پائیدار مزاحمت کے ذریعے تمام درپیش مشکلات اور چیلنجز پر کامیابی سے قابو پا لیں گے۔ صدر پزشکیان نے ملک کو مزید مضبوط بنانے کے لیے عوامی یکجہتی اور معاشی و تعلیمی میدان میں پیشرفت بالخصوص بچوں کے مستقبل میں سرمایہ کاری کی ضرورت پر بھی زور دیا۔ انہوں نے کہا کہ موجودہ حکومت کو رہبرِ انقلاب کی بھرپور اور مسلسل رہنمائی حاصل ہے، اور ایران نے کبھی دشمن کے سامنے ہتھیار نہیں ڈالےمسعود پزشکیان نے وضاحت کی کہ امریکا کے ساتھ معاہدہ ماہرین کی تفصیلی مشاورت، قومی مفاد، ملکی وقار اور رہبرِ معظم کے بنیادی اصولوں کو مدِ نظر رکھتے ہوئے طے پایا ہے۔قومی یکجہتی اور پیشرفت: انہوں نے تاکید کی کہ ملک کو دفاعی و معاشی طور پر مضبوط بنانے کے لیے تمام طبقہ ہائے فکر کو اپنا کردار ادا کرنا ہوگا اور تعلیمی ترقی پر خاص توجہ دینی ہوگی۔