ایران نے فرانس کو ملک کے اندرونی معاملات میں مداخلت سے خبردار کر دیا

ایران کی وزارت انٹیلی جنس نے فرانس کو ملک کے اندرونی معاملات میں مداخلت سے سخت خبردار کرتے ہوئے وضاحت طلب کر لی ہے۔ ہفتے کے روز جاری کردہ ایک بیان میں ایرانی وزارت نے دعویٰ کیا ہے کہ فرانسیسی سفارت کار ایک غیر ملکی دراندازی کے منصوبے میں ملوث پائے گئے ہیں۔ وزارت انٹیلی جنس نے واضح کیا کہ فرانس کو اپنی غیر قانونی اور مداخلت پسندانہ کارروائیوں کا جواب دینا ہوگا، اور متنبہ کیا کہ اگر ایسی سرگرمیاں دوبارہ دہرائی گئیں تو ایران ان کے خلاف مناسب اور سخت کارروائی کرنے کا حق محفوظ رکھتا ہے۔