حوثی باغیوں کے حملوں کے بعد یمن کی المخا بندرگاہ نے آپریشن معطل کر دیا

ایران کے حمایت یافتہ حوثی باغیوں کی جانب سے شدید حملوں کے بعد یمن کی اہم المخا بندرگاہ نے اپنی تمام تجارتی اور بحری سرگرمیاں مکمل طور پر معطل کر دی ہیں۔ بندرگاہ کے ڈائریکٹر کے مطابق حالیہ حملوں کے دوران بندرگاہ کو 25 سے زائد میزائلوں کے ذریعے نشانہ بنایا گیا، جس کے نتیجے میں 7 افراد ہلاک جبکہ تقریباً 16 ملین ڈالر کا بھاری مالی نقصان ہوا ہے۔ سیکیورٹی صورتحال اور شدید نقصان کے باعث بندرگاہ انتظامیہ نے آپریشن عارضی طور پر روکنے کا فیصلہ کیا ہے۔