قطر نے ایرانی طیاروں کے 3 پائلٹس کی گرفتاری کے دعوؤں کی تردید کر دی

قطری وزارتِ خارجہ کے ترجمان ماجد الانصاری نے ایران کے ان ادعا⁠ؤں کو سختی سے مسترد کر دیا ہے جن میں دعویٰ کیا گیا تھا کہ اس کے 3 پائلٹ قطر کی تحویل میں ہیں۔ سوشل میڈیا پلیٹ فارم ایکس (ٹوئٹر) پر جاری بیان میں ترجمان نے کہا کہ خطے میں کشیدگی کم کرنے کی سفارتی کوششوں کے دوران اس نوعیت کے گمراہ کن بیانات حیران کن ہیں۔

ترجمان نے وضاحت کی کہ مارچ میں قطری فضائی حدود کی خلاف ورزی پر پائلٹوں سے رابطے کی کوشش کی گئی تھی، تاہم کوئی جواب نہ ملنے پر بین الاقوامی قوانین کے مطابق اپنے دفاع میں کارروائی کی گئی۔ انہوں نے مزید بتایا کہ تلاش و امداد کے آپریشن کے دوران صرف ایک پائلٹ کی لاش برآمد ہوئی تھی، جس کی باقیات ایران کے حوالے کرنے کے لیے تہران انتظامیہ سے پہلے ہی رابطہ کیا جا چکا ہے۔