آبنائے ہرمز ایران کے اختیار میں ہے، ٹرمپ کے بیانات زمینی حقائق تبدیل نہیں کرسکتے: ایرانی عدلیہ

ایرانی عدلیہ کے سربراہ غلام حسین محسنی نے امریکی صدر ڈونلڈ ٹرمپ کے دعوؤں کو مسترد کرتے ہوئے واضح کیا ہے کہ آبنائے ہرمز مکمل طور پر ایران کے اختیار میں ہے اور یہ اس کا ناقابلِ تقسیم حصہ ہے۔ اپنے بیان میں انہوں نے کہا کہ ڈونلڈ ٹرمپ سوشل میڈیا پر بیانات دے کر زمینی حقائق کو تبدیل نہیں کر سکتے اور وہ سیاسی و فوجی محاذ پر ناکام ہو چکے ہیں۔ انہوں نے متنبہ کیا کہ امریکی صدر اور ان کے مشیروں کو آبنائے ہرمز میں قدم رکھنے کا خیال ذہن سے نکالنا ہوگا کیونکہ ایران اس بحری شاہراہ کے دفاع پر مکمل طور پر متحد اور پرعزم ہے۔