لاہور کے علاقے ہربنس پورہ میں خوفناک ٹریفک حادثہ، 5 افراد جاں بحق

لاہور کے علاقے ہربنس پورہ کنال روڈ پر تیز رفتاری کے باعث ایک خوفناک حادثہ پیش آیا ہے، جہاں بے قابو کار درخت سے جا ٹکرائی۔ ریسکیو 1122 کے مطابق اس دردناک حادثے کے نتیجے میں گاڑی کی زد میں آ کر 2 راہگیروں سمیت کار میں سوار 3 افراد موقع پر ہی جاں بحق ہو گئے، جبکہ ایک بچہ شدید زخمی ہوا ہے۔ جاں بحق ہونے والوں میں 15 سالہ مزمل، 18 سالہ نعمان، 20 سالہ عبدالرحمن، 17 سالہ فرقان اور 19 سالہ جنید شامل ہیں۔ ریسکیو اہلکاروں نے لاشوں اور زخمی بچے کو فوری طور پر سروسز ہسپتال منتقل کر دیا ہے جہاں بچے کو طبی امداد فراہم کی جا رہی ہے۔