ملک میں ہفتہ وار مہنگائی میں 0.15 فیصد اضافہ، سالانہ شرح 9.11 فیصد ہوگئی
Web Desk
14 August 2026
وفاقی ادارہ شماریات کی جانب سے جاری کردہ تازہ اعداد و شمار کے مطابق اگست 2026 کے دوسرے ہفتے کے دوران ملک میں ہفتہ وار بنیادوں پر مہنگائی کی حساس ترین شرح (SPI) میں 0.15 فیصد کا معمولی اضافہ ریکارڈ کیا گیا ہے، جس کے بعد سالانہ بنیادوں پر مہنگائی کی شرح بڑھ کر 9.11 فیصد تک پہنچ گئی ہے۔ ادارہ شماریات کی رپورٹ کے مطابق زیرِ جائزہ ہفتے کے دوران کل 51 بنیادی اشیائے ضروریہ کا موازنہ کیا گیا، جن میں سے 20 اشیا کی قیمتوں میں اضافہ، 9 اشیا کی قیمتوں میں کمی جبکہ 22 اشیا کی قیمتوں میں استحکام رہا۔
ایک ہفتے کے دوران سب سے زیادہ اضافہ پیاز کی قیمت میں 24.68 فیصد ریکارڈ کیا گیا، جبکہ چنے کی دال 3.35 فیصد، مرغی 2.45 فیصد اور ایل پی جی 0.67 فیصد مہنگی ہوئی، اس کے علاوہ چائے، سرسوں کا تیل، دہی اور مسور کی دال کی قیمتوں میں بھی اضافہ دیکھا گیا۔ تاہم عوام کے لیے خوش آئند بات یہ رہی کہ ہفتہ وار بنیادوں پر پیٹرول کی قیمت میں 2.35 فیصد اور ڈیزل کی قیمت میں 0.29 فیصد کی نمایا کمی کی گئی، جبکہ ٹماٹر، آلو، کیلے، مونگ کی دال، انڈے اور چینی بھی سستی ہونے والی اشیا میں شامل رہیں۔
دوسری جانب اگر سالانہ بنیادوں پر موازنہ کیا جائے تو اشیائے خورونوش اور ایندھن کی قیمتوں میں زبردست اضافہ دیکھا گیا ہے؛ جس میں ٹماٹر کی قیمت میں 143.77 فیصد کا غیر معمولی اضافہ ہوا، پیاز 125.75 فیصد اور گندم کا آٹا 77.41 فیصد مہنگا ہوا۔ سالانہ سطح پر ایل پی جی 55.41 فیصد، ڈیزل 34.05 فیصد اور پیٹرول 23.02 فیصد مہنگا ہوا ہے، جبکہ اس کے برعکس سالانہ بنیادوں پر آلو 30 فیصد، چینی 17.93 فیصد اور مرغی 17.45 فیصد سستی ہوئی ہے۔
متعلقہ عنوانات
بانی پی ٹی آئی اور بشریٰ بی بی کی جیل میں ملاقات کرا دی گئی
16 November 2026
روس یوکرین میں ڈرون جنگ شدت اختیار کرگئی، دونوں جانب بھاری نقصانات
16 November 2026
موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ
16 November 2026
پاسداران انقلاب کا قشم کے جنوب میں امریکی ڈرون قبضے میں لینے کا دعویٰ
16 November 2026
بلاول بھٹو سے صوبائی وزیر مذہبی امور، سینیٹر ضمیر گھمرو اور قائم علی شاہ کی ملاقاتیں
16 November 2026
اسلام آباد ہائیکورٹ نے بری امام ہاؤس سے متعلق بڑا فیصلہ جاری کر دیا
16 November 2026
سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی
16 November 2026
بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے
16 November 2026