ریاض: 13 ممالک کی میری ٹائم ڈیفنس الائنس میں باضابطہ شمولیت کا اعلان

جدہ میں منعقدہ ایک اہم اجلاس کے دوران ‘میری ٹائم ڈیفنس الائنس’ (Maritime Defence Alliance) میں 13 ممالک کی باضابطہ شمولیت کا اعلان کر دیا گیا ہے۔ اس اتحاد کے تیسرے منصوبہ بندی اجلاس میں دنیا بھر کے 39 ممالک کے نمائندگان اور دفاعی ماہرین نے شرکت کی۔

سعودی وزارت دفاع کی جانب سے جاری کردہ بیان کے مطابق، اس بین الاقوامی میری ٹائم اتحاد کی مرکزی کمانڈ سعودی عرب سے مقرر کی جائے گی، جبکہ الائنس کے پہلے دور میں نائب کمانڈر (Vice Commander) کا اہم منصب پاکستان کے سپرد ہوگا جو دونوں برادر ممالک کی دفاعی صلاحیتوں اور اعلاقی بحری شراکت داری کا مظہر ہے۔ سعودی وزارت دفاع کا کہنا ہے کہ اس دفاعی اتحاد کا بنیادی مقصد اہم سمندری راستوں کی سلامتی کو یقینی بنانا، بحری قزاقی و خطرات کا سدباب کرنا اور عالمی تجارت کے امن و تحفظ کے لیے مشترکہ اقدامات کو فروغ دینا ہے۔ جدہ اجلاس کے دوران تمام رکن ممالک نے اتحاد کے آئندہ لائحہ عمل، مشترکہ مشقوں اور بحری سلامتی سے متعلق تعاون کے مختلف شعبوں پر تفصیلی تبادلہ خیال کیا۔