بھارت میں دوبارہ سکھوں کی نسل کشی کی جا رہی ہے، گرپتونت سنگھ پنوں

سکھ فار جسٹس کے رہنما گرپتونت سنگھ پنوں نے الزام عائد کیا ہے کہ بھارت میں وزیراعظم نریندر مودی کے دور میں ایک بار پھر سکھوں کی نسل کشی کی جا رہی ہے، جبکہ بھاری مالی قرضوں کے باعث اب تک 18 ہزار سکھ کاشتکار خودکشی کرنے پر مجبور ہو چکے ہیں۔ لاہور پریس کلب میں ویڈیو لنک کے ذریعے پریس کانفرنس سے خطاب کرتے ہوئے انہوں نے کہا کہ وہ ووٹ کے ذریعے تبدیلی لانے کی جدوجہد کر رہے ہیں اور آزاد خالصتان کے قیام کے لیے 16 اگست کو امریکہ میں ایک ریفرنڈم منعقد ہوگا جس میں دنیا بھر سے سکھ برادری اپنا حقِ رائے دہی استعمال کرے گی۔ اس موقع پر انہوں نے پاکستانیوں کو یومِ آزادی کی مبارکباد دی اور کہا کہ آرمی چیف فیلڈ مارشل عاصم منیر کی قیادت میں پاکستان ترقی کی منازل طے کر رہا ہے اور عالمی سطح پر ایک اہم کردار ادا کر رہا ہے۔