سعودی عرب کی کولمبیا کی گولان ہائٹس پر اسرائیلی خود مختاری تسلیم کرنے کی مذمت

سعودی عرب نے کولمبیا کی جانب سے مقبوضہ شامی گولان ہائٹس پر اسرائیل کی خودمختاری کو تسلیم کیے جانے کے اقدام کی شدید مذمت کرتے ہوئے اسے بین الاقوامی قانون اور اقوام متحدہ کی متعلقہ قراردادوں کے منافی قرار دیا ہے۔ عالمی میڈیا کے مطابق سعودی وزارتِ خارجہ نے اپنے بیان میں کہا ہے کہ کولمبیا کا یہ فیصلہ اقوام متحدہ کی سلامتی کونسل کی 1981 کی قرارداد 497 کی کھلی خلاف ورزی ہے، جس میں گولان ہائٹس پر اسرائیل کے دائرہ اختیار اور انتظامیہ کے نفاذ کو کالعدم اور قانونی اثر سے محروم قرار دیا گیا تھا۔ وزارت نے واضح کیا کہ ایسے اقدامات خطے میں منصفانہ اور دیرپا امن کی کوششوں کو سبوتاژ کرتے ہیں۔ اپنے اصولی موقف کا اعادہ کرتے ہوئے مملکت نے تاکید کی کہ گولان ہائٹس شام کا مقبوضہ علاقہ ہے اور اس کی قانونی حیثیت تبدیل کرنے کی کوئی بھی کوشش ناقابلِ قبول ہے، نیز کولمبین حکومت پر زور دیا کہ وہ اپنے فیصلے پر نظرثانی کرتے ہوئے بین الاقوامی قوانین کی پاسداری کرے۔