صادق آباد: گھر میں گھس کر فائرنگ، سردار عالمگیر کوش سمیت 3 افراد قتل

موضع بوہی واڑ میں مسلح افراد نے گھر میں گھس کر شدید فائرنگ کر دی، جس کے نتیجے میں سردار عالمگیر کوش سمیت 3 افراد موقع پر ہی ہلاک ہو گئے۔ پولیس حکام کے مطابق فائرنگ کی زد میں آ کر ناظم کوش اور گارڈ معشوق بھی دم توڑ گئے، جبکہ ملزمان واردات انجام دینے کے بعد موقع سے فرار ہونے میں کامیاب ہو گئے۔

پولیس کے مطابق سردار عالمگیر کوش نے کچہ سرنڈر پالیسی کو کامیاب بنانے میں اہم اور کلیدی کردار ادا کیا تھا، جبکہ ان پر خود بھی 50 لاکھ روپے کا انعام مقرر تھا۔ واقعے کی اطلاع ملتے ہی پولیس کی بھاری نفری نے علاقے میں پہنچ کر تحقیقات کا آغاز کر دیا ہے، جبکہ ڈی پی او نے واقعے کا سخت نوٹس لیتے ہوئے ملزمان کی فوری گرفتاری کے لیے خصوصی ٹیمیں تشکیل دے کر احکامات جاری کر دیے ہیں۔