روس کا یوکرینی شہر زاپوریژیا میں سٹیل پلانٹ پر حملہ، 7 ملازم ہلاک

روس اور یوکرین کے درمیان جاری جنگ میں شدید تیزی آ گئی ہے، جہاں یوکرینی شہر زاپوریژیا میں ایک سٹیل پلانٹ پر روسی حملے کے نتیجے میں 7 ملازمین ہلاک ہو گئے ہیں۔ شدید تباہی اور نقصان کے بعد پلانٹ میں تمام تر پیداواری عمل کو معطل کر کے اسے بند کر دیا گیا ہے، جبکہ علاقائی گورنر نے حملے کے بعد تباہ شدہ عمارتوں اور گاڑیوں میں لگی آگ کی تصاویر اور مناظر جاری کر دیے ہیں۔ دوسری جانب یوکرینی صدر نے بڑا دعویٰ کرتے ہوئے کہا ہے کہ روس نے اس حملے میں شمالی کوریا کے ساختہ بیلسٹک میزائلوں کا استعمال کیا ہے۔