محسن نقوی ایران روانہ، آبنائے ہرمز کی صورتحال پر اہم بات چیت متوقع

وفاقی وزیر داخلہ محسن نقوی اہم دورے پر ایران روانہ ہو گئے ہیں، جہاں وہ اپنے قیام کے دوران ایرانی اعلیٰ حکام سے اہم ملاقاتیں کریں گے۔ ذرائع کے مطابق ان ملاقاتوں میں خطے کی مجموعی صورتحال اور بالخصوص آبنائے ہرمز سے متعلق پیدا ہونے والی کشیدگی پر تفصیلی بات چیت کی جائے گی، جبکہ دوطرفہ تعلقات سمیت دیگر اہم سیکیورٹی و سیاسی امور بھی زیر بحث آئیں گے۔ ذرائع کا مزید کہنا ہے کہ پاکستان اس وقت ایران اور امریکہ کے درمیان کشیدگی کم کرنے اور مذاکراتی عمل کو آگے بڑھانے میں ایک اہم اور کلیدی ثالث کا کردار ادا کر رہا ہے، جس کے پیشِ نظر وزیر داخلہ کا یہ دورہ انتہائی اہمیت کا حامل قرار دیا جا رہا ہے۔