یوکرینی صدر اور سعودی ولی عہد کا رابطہ، ڈرونز معاہدے سمیت مختلف امور پر گفتگو

یوکرین کے صدر وولودیمیر زیلنسکی اور سعودی عرب کے ولی عہد و وزیراعظم شہزادہ محمد بن سلمان کے درمیان ٹیلی فون پر اہم گفتگو ہوئی، جس کے دوران دونوں رہنماؤں نے ڈرونز معاہدے اور غذائی تحفظ (Food Security) سمیت باہمی دلچسپی کے متعدد امور پر تبادلہ خیال کیا۔

گفتگو کے دوران یوکرین اور سعودی عرب کے درمیان تعاون کے شعبوں کو مزید وسعت دینے پر مکمل اتفاق کیا گیا۔ اس موقع پر یوکرینی صدر زیلنسکی نے کہا کہ ان کا ملک سعودی عرب کے ساتھ دوطرفہ تعلقات اور باہمی تعاون کو مزید مضبوط بنانے کا خواہا ں ہے۔ انہوں نے بتایا کہ یوکرینی حکام کی ایک ٹیم اس وقت سعودی عرب سمیت خطے کے دورے پر ہے، جبکہ دونوں ممالک کے درمیان مختلف شعبوں میں تعاون کی مثبت پیش رفت جاری ہے۔