ملک گیر غیر معینہ مدت ہڑتال کا آغاز، تین وزراء سے استعفوں کا مطالبہ
Web Desk
8 August 2026
آل پاکستان گڈز ٹرانسپورٹ اتحاد کے صدر ملک شہزاد اعوان نے وفاقی، پنجاب اور سندھ حکومتوں کے ساتھ مذاکرات ناکام ہونے کے بعد ملک بھر میں غیر معینہ مدت کے لیے پُرامن ہڑتال شروع کرنے کا باضابطہ اعلان کر دیا ہے۔
میڈیا سے گفتگو کرتے ہوئے ملک شہزاد اعوان نے کہا کہ وفاقی وزیرِ مواصلات عبد العلیم خان سمیت حکومتی نمائندوں سے ملاقاتوں کے باوجود حکومت سنجیدہ دکھائی نہیں دیتی۔ ٹرانسپورٹرز نے پہلے سے لوڈ شدہ گاڑیوں کو سامان ان لوڈ کرنے کے لیے 48 گھنٹوں کی مہلت دی ہے، جس کے بعد ملک بھر میں کسی بھی گاڑی کو نیا سامان لوڈ نہیں کرنے دیا جائے گا۔ انہوں نے واضح کیا کہ روڈ بلاک کر کے شہریوں کو پریشان نہیں کیا جائے گا، تاہم کراچی میں تین بڑے احتجاجی کیمپ (ماڑی پور، لنک روڈ پورٹ قاسم اور سپر ہائی وے کاٹھور) قائم کر دیے گئے ہیں۔
ٹرانسپورٹ اتحاد نے وفاقی وزیر علی پرویز ملک اور پنجاب کے وزراء مریم اورنگزیب اور بلال اکبر پر غلط بیانی کا الزام عائد کرتے ہوئے ان سے استعفے کا مطالبہ کیا ہے۔ ملک شہزاد اعوان نے متنبہ کیا کہ اگر 3 روز کے اندر ان کے مطالبات تسلیم نہ کیے گئے تو تین صوبوں کے گورنر اور وزیراعلیٰ ہاؤسز کی طرف لانگ مارچ کیا جائے گا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
سرکاری قرضوں میں ایک سال کے دوران 6 ہزار 200 ارب روپے کا بھاری اضافہ
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
سونے اور چاندی کی قیمتوں میں مزید کمی ہو گئی
21 November 2026
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
21 November 2026
ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ
21 November 2026
ای سی سی نے مزید 4 لاکھ ٹن چینی برآمد کرنے کی منظوری دے دی
21 November 2026
پٹرول کی قیمت میں ایک روہے کمی، ڈیزل 2 روپے لٹر مہنگا ہو گیا
20 November 2026