محمد باقر قالیباف نے دھونس اور جھوٹی خبروں کی حکمت عملی ناکام قرار دیدی

ایرانی پارلیمنٹ کے اسپییکر محمد باقر قالیباف نے مخالف ممالک کی دھونس، حملے کی دھمکیوں اور جھوٹی خبروں کی حکمت عملی کو مکمل طور پر ناکام قرار دے دیا ہے۔

سوشل میڈیا پلیٹ فارم ایکس (ٹویٹر) پر جاری کردہ اپنے ایک اہم بیان میں ایرانی اسپییکر محمد باقر قالیباف نے واضح کیا کہ اب مزید کسی قسم کی ڈرامائی سفارت کاری قبول نہیں کی جائے گی۔ انہوں نے زور دیتے ہوئے کہا کہ مخالف فریقین کو چاہیے کہ وہ حقائق کو تسلیم کریں اور اپنے کیے گئے وعدوں کو پورا کریں۔

محمد باقر قالیباف نے ایران پر حملوں اور کارروائیوں کی دھمکیوں کو ڈرامائی سفارت کاری سے تعبیر کرتے ہوئے مزید کہا کہ موجودہ عالمی حالات میں دنیا کو ڈرامے بازی اور کھوکھلے دعووں کی نہیں بلکہ سنجیدہ اور ذمہ دار سفارت کاری کی ضرورت ہے۔