LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ پاسداران انقلاب کا قشم کے جنوب میں امریکی ڈرون قبضے میں لینے کا دعویٰ بلاول بھٹو سے صوبائی وزیر مذہبی امور، سینیٹر ضمیر گھمرو اور قائم علی شاہ کی ملاقاتیں اسلام آباد ہائیکورٹ نے بری امام ہاؤس سے متعلق بڑا فیصلہ جاری کر دیا سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری

امریکی ناظم الامور کی اورنگزیب کھچی سے ملاقات، ثقافتی تعاون بڑھانے پر اتفاق

Web Desk

7 August 2026

وفاقی وزیر برائے قومی ورثہ و ثقافت اورنگزیب خان کھچی سے امریکا کی ناظم الامور نیٹلی اے بیکر (Natalie A. Baker) نے ملاقات کی، جس میں دونوں ممالک کے مابین ثقافتی تعاون، آثارِ قدیمہ کے تحفظ اور میوزیمز کی ترقی کے فروغ پر تفصیلی تبادلہ خیال کیا گیا۔

ملاقات کے دوران وفاقی وزیر اورنگزیب خان کھچی نے گندھارا تہذیب سمیت تاریخی پاکستانی نوادرات کی امریکا سے محفوظ وطن واپسی میں امریکی حکومت کے تعاون کا شکریہ ادا کیا۔ انہوں نے بتایا کہ اسلام آباد میوزیم کو جمہوریہ کوریا کے تعاون سے عالمی معیار کے جدید میوزیم میں تبدیل کیا جا رہا ہے۔ اس موقع پر وفاقی وزیر نے مشترکہ ‘پاکستان-امریکہ ثقافتی ہفتہ’ منعقد کرنے کی تجویز پیش کی اور امریکی وفد کو مشہورِ زمانہ شندور پولو فیسٹیول میں شرکت کی باضابطہ دعوت بھی دی۔

امریکی ناظم الامور نیٹلی اے بیکر نے پاکستان کے امیر ثقافتی ورثے کے تحفظ اور واپس لائے گئے نوادرات کی اسلام آباد میوزیم میں نمائش کو سراہا۔ انہوں نے دونوں ممالک کے فنکاروں کے تبادلے، مشترکہ ثقافتی سرگرمیوں اور نمائشی پروگراموں کو آگے بڑھانے کی تجویز دی اور لوک ورثہ میں ہر سال منعقد ہونے والے شاندار لوک میلے کی بھی تعریف کی۔

سیکریٹری قومی ورثہ و ثقافت اسد رحمان گیلانی نے ملاقات میں آگاہ کیا کہ بیرون ملک سے واپس لائے گئے نوادرات کی ایک خصوصی نمائش رواں سال اکتوبر میں پاکستان نیشنل کونسل آف دی آرٹس (PNCA) میں منعقد کی جائے گی۔ ملاقات کے اختتام پر دونوں جانب سے ثقافتی سفارت کاری اور مشترکہ ایکشن پلان پر مکمل تعاون جاری رکھنے کے عزم کا اعادہ کیا گیا۔