پاکستان کوسٹ گارڈز کی کارروائیاں، غیر قانونی ایرانی ڈیزل قبضے میں لے لیا

پاکستان کوسٹ گارڈز نے گزشتہ ایک ماہ کے دوران ایرانی ڈیزل کی اسمگلنگ کے خلاف متعدد کارروائیاں کرتے ہوئے مجموعی طور پر 17 لاکھ 64 ہزار 615 لیٹر غیر قانونی ڈیزل قبضے میں لے لیا۔ ترجمان کوسٹ گارڈز کے مطابق کارروائیاں انٹیلی جنس معلومات کی بنیاد پر بلوچستان کے مختلف علاقوں گوادر، پسنی، اوتھل سمیت ساحلی اور زمینی راستوں پر کی گئیں۔ترجمان کے مطابق زمینی راستوں سے 17 لاکھ 46 ہزار 615 لیٹر جبکہ سمندری راستے سے 18 ہزار لیٹر غیر قانونی ایرانی ڈیزل برآمد کیا گیا۔ ایرانی ڈیزل کراچی منتقل کیا جا رہا تھا جسے چیکنگ کے دوران روکا گیا۔
ترجمان کا کہنا ہے کہ برآمد شدہ ڈیزل کے علاوہ ٹرک اور آئل ٹینکر بھی تحویل میں لے کر مزید تفتیش شروع کر دی گئی ہے۔ ضبط شدہ ڈیزل اور گاڑیوں کی مجموعی مالیت تقریباً 487 ملین روپے کے لگ بھگ ہے۔
کوسٹ گارڈز کے مطابق ادارہ ہر قسم کی اسمگلنگ کی روک تھام کے لیے بھرپور کارروائیاں جاری رکھے ہوئے ہے اور ملکی معیشت کے استحکام میں اپنا کردار ادا کرتا رہے گا