عمان سے جاری مذاکرات حتمی مرحلے میں داخل ہوچکے: ایران کی تصدیق

ایران کے وزیر خارجہ عباس عراقچی نے اعلان کیا ہے کہ اہم اسٹریٹجک گزرگاہ آبنائے ہرمز کے معاملے پر ایران اور عمان کے درمیان جاری سفارتی مذاکرات اپنے آخری اور حتمی مرحلے میں داخل ہو چکے ہیں۔ تہران میں کابینہ کے اجلاس کے موقع پر ذرائع ابلاغ کے نمائندوں سے گفتگو کرتے ہوئے انہوں نے بتایا کہ دونوں ممالک کے مابین بات چیت انتہائی مثبت اور پیش رفت سے بھرپور رہی ہے اور دونوں جانبین اس معاہدے کو حتمی شکل دینے کے بالکل قریب پہنچ چکے ہیں۔

ایرانی وزیر خارجہ کا کہنا تھا کہ ایران اور عمان کے درمیان قائم اس سفارتی رابطے میں اب تک کی پیش رفت انتہائی حوصلہ افزا ہے، اور جلد ہی دونوں ممالک اس معاہدے کی تفصیلات کو حتمی شکل دے کر باقاعدہ اعلان کریں گے۔ اس معاہدے کے طے پانے سے خطے میں بحری آمدورفت اور سیکیورٹی کی صورتحال کو بہتر بنانے میں مدد ملنے کی توقع کی جا رہی ہے