ایران کی فوجی صلاحیت تیزی سے ختم ہو رہی ہے: ٹرمپ کا دعویٰ

امریکی صدر ڈونلڈ ٹرمپ نے ایران کے خلاف سخت ترین موقف اختیار کرتے ہوئے دعویٰ کیا ہے کہ جاری فوجی کارروائیوں میں ایران کی بحریہ، فضائیہ اور بری فوج کو شدید نقصان پہنچایا گیا ہے، جبکہ اس کی ڈرون تیار کرنے کی صلاحیت کو بھی انتہائی محدود کر دیا گیا ہے۔ اپنے خطاب میں صدر ٹرمپ نے الزام عائد کیا کہ ایران معاہدوں کی پاسداری میں ناکام رہا ہے اور جلد ہی اس کے پاس کوئی قابلِ ذکر فوجی صلاحیت باقی نہیں بچے گی۔ مینیسوٹا میں ہونے والے ایک سائبر حملے پر بات کرتے ہوئے ان کا کہنا تھا کہ اگرچہ اس کا الزام ایران پر لگایا جاتا ہے، تاہم وہ اس کی ذمہ دار مینیسوٹا کی مقامی انتظامیہ کو قرار دیتے ہیں کیونکہ وہ “مکمل طور پر نااہل” ہے۔ اس کے علاوہ انہوں نے اسپین میں تارکینِ وطن کی آمد کا حوالہ دیتے ہوئے امریکہ میں اسی نوعیت کی صورتِ حال سے خبردار کیا اور دعویٰ کیا کہ ان کی دوسری مدتِ صدارت میں امریکہ کی تاریخ کی بہترین فوج تشکیل دی گئی ہے