پاکستان سٹاک مارکیٹ میں تیزی، ایک لاکھ 76 ہزار پوائنٹس کی حد بحال

پاکستان اسٹاک مارکیٹ میں ہفتے کے پانچویں اور آخری کاروباری روز زبردست تیزی کا رجحان دیکھا گیا، جس کے نتیجے میں 100 انڈیکس میں 1,300 سے زائد پوائنٹس کا اضافہ ریکارڈ کیا گیا۔ اس مثبت اضافے کی بدولت اسٹاک ایکسچینج میں 176,000 پوائنٹس کی اہم نفسیاتی حد دوبارہ بحال ہو گئی اور انڈیکس 176,920 پوائنٹس کی بلند سطح پر پہنچ گیا۔ واضح رہے کہ گزشتہ کاروباری دن کے اختتام پر اسٹاک ایکسچینج میں ہنڈرڈ انڈیکس 175,547 پوائنٹس کی سطح پر بند ہوا تھا، تاہم نئے کاروباری سیشن کے آغاز سے ہی سرمایہ کاروں کے مثبت اعتماد کے باعث مارکیٹ میں مسلسل تیزی دیکھی گئی۔