امریکا نے چین، بھارت، روس اور ایران کے اداروں پر نئی پابندیاں لگا دیں

مشرقِ وسطیٰ میں بڑھتی ہوئی کشیدگی کا دائرہ کار دیگر خطوں تک پھیلنے کے ساتھ ہی امریکا نے ایران سے متعلق ایک بار پھر نئی پابندیوں کا بڑا اعلان کر دیا ہے۔ خبر ایجنسی کے مطابق، ایرانی ایئرلائن “ماہان ایئر” سے مبینہ تعلقات اور سہولت کاری کی بنیاد پر ایران، روس، چین اور بھارت کے کئی اداروں کو امریکی پابندیوں کی زد میں لایا گیا ہے۔

ان نئی پابندیوں کے تحت چین اور بھارت کی 3 ٹریول اور لاجسٹکس کمپنیاں نشانہ بنی ہیں، جبکہ ایک روسی کارگو کمپنی اور ایرانی سٹارٹ اپ سٹوڈیو کو بھی پابندیوں کی بلیک لسٹ میں شامل کر دیا گیا ہے۔ واضح رہے کہ اس سے ایک روز قبل بھی ٹرمپ انتظامیہ نے ایران کے خلاف سخت کارروائی کرتے ہوئے 8 تیل بردار بحری جہازوں (ٹینکرز) اور 10 مختلف کمپنیوں پر نکتہ نظر سے نئی پابندیاں عائد کی تھیں۔